السلام عليكم شلونكم ياشباب ويابنات هذة كم ومضة على ابوذية جميلة يارب تعجبكم
وتنال رضاكم مع تحياتي لكم
____________________
مجنون بغرامك واعترف بيك
الكلب اعمه لجن ماعاف دربك
انه القافل عليك وما اخليك
يجي واحد على الحاضر يحبك
اغنيها برساله لجن ماكول
احنه شبينه عمي ما نعجبك
*********************
شيجيب باجر واكعد وياك
واظمنك كلب مابين الظلوع
واذا باجر اجه وماجابك ويه
اكض باجر واشمرنه من الاسبوع
*********************
يالجمالك بالمدارس درسو
والصفوف انترست ابحبك ترس
رسبو الطلاب كلهم بالاخير
خلصوها استاذ عيدلنه الدرس
*********************
لا تروح الأي عرس خايف عليك
ودير بالك لمن ايعزمونك
الناس عطشانه شهر شربت بديك
خاف شربت ماكو ويشربونك
**********************
كلش دخت بيك منين مخلوق
اذا من طين اشكن كلش بهاي
كلها بماي تسبح وتنظف الناس
وانته بنور جسمك يسبح الماي
**********************
لا تدنك عالذهب لو شفته طاح
هوه يخضعلك اذا شافك قنوع
وجوه تمثال الذهب لا تستراح
لان بس تطلع شمس لازم يموع
**********************
انته ووشاع الشمص فد ساعه صار
ومنكم انتو ثنينكم ناخذ ضوانه
ومن نزلتو اعله البشر صار اشتباه
الشمس عل كاع تمشي وانته مشتول بسمانه
**********************
عاتب لو تحس وياي باقي اعتاب
وبيبان العتب وياك مفتوحه
سر واحد بقالي وما كدرت احجيه
وانته تحوم يمه ورايد تبوحه
**********************
الأحد نوفمبر 08, 2009 2:33 am